Тағабун

يُسَبِّحُ لِلَّهِ مَا فِي ٱلسَّمَٰوَٰتِ وَمَا فِي ٱلْأَرْضِۖ لَهُ ٱلْمُلْكُ وَلَهُ ٱلْحَمْدُۖ وَهُوَ عَلَىٰ كُلِّ شَيْءࣲ قَدِيرٌ

Күллі аспан әлемі мен жердегі жаратылыс біткеннің бәрі Алланың мінсіз, пәк һәм кемшілік атаулыдан ада екендігін жар салып ұлықтайды! Бар билік бір Өзіне тән. Бар мақтау мен шексіз мадақ та бір Өзіне тән. Оның құдіреті барлық нәрсеге толық жетеді.

هُوَ ٱلَّذِي خَلَقَكُمْ فَمِنكُمْ كَافِرࣱ وَمِنكُم مُّؤْمِنࣱۚ وَٱللَّهُ بِمَا تَعْمَلُونَ بَصِيرٌ

Сендерді жаратқан бір Өзі. Сөйте тұра бірің – кәпір, бірің – мүмінсің. Алла сендердің не істеп, не қойып жүргендеріңнің бәрін көруде.

خَلَقَ ٱلسَّمَٰوَٰتِ وَٱلْأَرْضَ بِٱلْحَقِّ وَصَوَّرَكُمْ فَأَحْسَنَ صُوَرَكُمْۖ وَإِلَيْهِ ٱلْمَصِيرُ

Ол күллі аспан әлемі мен жерді хақ мақсатта, орын орнымен және ақиқатқа сүйенген мінсіз жүйеге негіздеп жаратты. Сендерге кескін-келбет берді, ол қандай көркем кескін-келбет! Түбінде (бәрің де) Оған қайтасыңдар.

يَعْلَمُ مَا فِي ٱلسَّمَٰوَٰتِ وَٱلْأَرْضِ وَيَعْلَمُ مَا تُسِرُّونَ وَمَا تُعْلِنُونَۚ وَٱللَّهُ عَلِيمُۢ بِذَاتِ ٱلصُّدُورِ

Ол күллі аспан әлемі мен жердегінің бәрін біледі, сондай-ақ нені жасырып, нені жария етіп жүргендерің де Оған аян. Тіпті Ол көкіректердегі (яғни жүрек түкпіріндегі) бар сырды біледі.

أَلَمْ يَأْتِكُمْ نَبَؤُا۟ ٱلَّذِينَ كَفَرُوا۟ مِن قَبْلُ فَذَاقُوا۟ وَبَالَ أَمْرِهِمْ وَلَهُمْ عَذَابٌ أَلِيمࣱ

Сендерге бұдан бұрын Алланы мойындамай күпірлік қылған қауымдар жайлы хабар жетпеді ме? Олар істеген күнәларының сазайын осы дүниеде тартты, ал ақиретте оларға жан төзгісіз азап бар.

ذَٰلِكَ بِأَنَّهُۥ كَانَت تَّأْتِيهِمْ رُسُلُهُم بِٱلْبَيِّنَٰتِ فَقَالُوٓا۟ أَبَشَرࣱ يَهْدُونَنَا فَكَفَرُوا۟ وَتَوَلَّوا۟ۖ وَّٱسْتَغْنَى ٱللَّهُۚ وَٱللَّهُ غَنِيٌّ حَمِيدࣱ

Өйткені пайғамбарлары оларға анық дәлелдермен (мұғжизалармен) келген еді. Ал олар болса: «Сонда бізге өзіміз сияқты (ет пен сүйектен жаралған) бір пенде жол көрсетпек пе?» – деп көкіді. Сөйтіп, олар (пайғамбарларды да, көрсеткен мұғжизаларын да мойындамай) күпірлік қылды және (ақиқаттан) теріс айналып, кері кетті. Алла да (олардың өздеріне де, иманы мен құлшылықтарына да) мұқтаж емес екенін көрсетті. Алла – Ғани (ешкімге һәм еш нәрсеге мұқтаж болмаған, түгесілмейтін байлық егесі), Хамид (бар мақтау мен шексіз шүкіршілікке әбден лайық).

زَعَمَ ٱلَّذِينَ كَفَرُوٓا۟ أَن لَّن يُبْعَثُوا۟ۚ قُلْ بَلَىٰ وَرَبِّي لَتُبْعَثُنَّ ثُمَّ لَتُنَبَّؤُنَّ بِمَا عَمِلْتُمْۚ وَذَٰلِكَ عَلَى ٱللَّهِ يَسِيرࣱ

Күпірлік қылғандар өлгеннен кейін қайта тірілмейтіндіктерін айтуда. Ендеше, оларға былай де: «Жо-жоқ, Раббыма серт, өлгеннен кейін міндетті түрде қайта тірілтілесіңдер, һәм содан кейін дүниеде істеген істеріңнен хабардар етіліп (жауапқа тартыласыңдар). Бұл – Алла үшін оп-оңай».

فَـَٔامِنُوا۟ بِٱللَّهِ وَرَسُولِهِۦ وَٱلنُّورِ ٱلَّذِيٓ أَنزَلْنَاۚ وَٱللَّهُ بِمَا تَعْمَلُونَ خَبِيرࣱ

(Уа, адамдар,) ендеше, Аллаға, расулына және (оған) түсірген нұрымызға (Құранға) қалтқысыз иман келтіріңдер. Алла сендердің не істеп, не қойып жүргендеріңнен толық хабардар.

يَوْمَ يَجْمَعُكُمْ لِيَوْمِ ٱلْجَمْعِۖ ذَٰلِكَ يَوْمُ ٱلتَّغَابُنِۗ وَمَن يُؤْمِنۢ بِٱللَّهِ وَيَعْمَلْ صَٰلِحࣰا يُكَفِّرْ عَنْهُ سَيِّـَٔاتِهِۦ وَيُدْخِلْهُ جَنَّٰتࣲ تَجْرِي مِن تَحْتِهَا ٱلْأَنْهَٰرُ خَٰلِدِينَ فِيهَآ أَبَدࣰاۚ ذَٰلِكَ ٱلْفَوْزُ ٱلْعَظِيمُ

Алла ұлы жиын күні бәріңді бір жерге (ғарасат майданына) жинайды. Ол – (біреулер үшін ұтатын, енді біреулер үшін) ұтылатын күн. Кімде-кім бір Аллаға иман келтіріп, игілікті істер істесе, Алла оның күнә-қателіктерін өшіреді және оны мәңгілікке (жайқалған жасыл бауларының арасы мен зәулім сарайларының) түбінен өзендер ағатын жаннат бақшаларына кіргізеді. Ең үлкен жетістік, зор табыс деген, міне, осы!

وَٱلَّذِينَ كَفَرُوا۟ وَكَذَّبُوا۟ بِـَٔايَٰتِنَآ أُو۟لَٰٓئِكَ أَصْحَٰبُ ٱلنَّارِ خَٰلِدِينَ فِيهَاۖ وَبِئْسَ ٱلْمَصِيرُ

Алланы мойындамай күпірлік қылған және аяттарымызға сенбегендерге келсек, олар – тозақтықтар, олар сонда мәңгі бақи қалады. Ол қандай жаман ақырғы тұрақ! Қандай жаман барар жер!

مَآ أَصَابَ مِن مُّصِيبَةٍ إِلَّا بِإِذْنِ ٱللَّهِۗ وَمَن يُؤْمِنۢ بِٱللَّهِ يَهْدِ قَلْبَهُۥۚ وَٱللَّهُ بِكُلِّ شَيْءٍ عَلِيمࣱ

Басқа келген әр жамандық Алланың рұқсатымен ғана болады. Кімде-кім Аллаға шын көңілден иман етсе, Алла оның жүрегін ақиқатқа және дұрыс бағытқа бұрады. Алла барлық нәрсені біледі.

وَأَطِيعُوا۟ ٱللَّهَ وَأَطِيعُوا۟ ٱلرَّسُولَۚ فَإِن تَوَلَّيْتُمْ فَإِنَّمَا عَلَىٰ رَسُولِنَا ٱلْبَلَٰغُ ٱلْمُبِينُ

Аллаға қалтқысыз бағыныңдар, пайғамбарға да қалтқысыз бағыныңдар. Егер бағынудан бас тартатын болсаңдар, біліп қойыңдар, елшіміздің міндеті дінді ашық насихаттап жеткізу ғана.

ٱللَّهُ لَآ إِلَٰهَ إِلَّا هُوَۚ وَعَلَى ٱللَّهِ فَلْيَتَوَكَّلِ ٱلْمُؤْمِنُونَ

Шын әрі жалғыз құдай – Алла! Одан басқа тәңір жоқ! Олай болса, мүміндер бір Аллаға ғана арқа сүйеп, тәуекел етсін!

يَٰٓأَيُّهَا ٱلَّذِينَ ءَامَنُوٓا۟ إِنَّ مِنْ أَزْوَٰجِكُمْ وَأَوْلَٰدِكُمْ عَدُوࣰّا لَّكُمْ فَٱحْذَرُوهُمْۚ وَإِن تَعْفُوا۟ وَتَصْفَحُوا۟ وَتَغْفِرُوا۟ فَإِنَّ ٱللَّهَ غَفُورࣱ رَّحِيمٌ

Уа, иман келтіргендер! Жұбайларың мен балаларыңның арасынан өздеріңе дұшпан болатындар да шығуы мүмкін. Ондайлардан сақ болыңдар! Әйтсе де, соған қарамастан оларға кеңшілік жасасаңдар, кемшіліктері мен (дүниелік мәселелерге қатысты жіберген) қателіктеріне көз жұмып, оларды кешіре білсеңдер, онда біліп қойыңдар, Алла – Ғафур (құлдарының күнәлары қанша жерден ауыр болса да, тәубелеріне келген жағдайда өте кешірімді), Рахим (тәубе етіп, Өзіне бет бұрған мүмін құлдарына ерекше мейірімді)!

إِنَّمَآ أَمْوَٰلُكُمْ وَأَوْلَٰدُكُمْ فِتْنَةࣱۚ وَٱللَّهُ عِندَهُۥٓ أَجْرٌ عَظِيمࣱ

Дүние-мүліктерің де, бала-шағаларың да сендер үшін бірер сынақ (яғни сендерді хақ жолдан тайдыратын немесе адамдықтың кемеліне жеткізетін нәрселер), одан басқа түк те емес. Ал ең үлкен сый-сияпат, ең зор сауап Алланың құзырында.

فَٱتَّقُوا۟ ٱللَّهَ مَا ٱسْتَطَعْتُمْ وَٱسْمَعُوا۟ وَأَطِيعُوا۟ وَأَنفِقُوا۟ خَيْرࣰا لِّأَنفُسِكُمْۗ وَمَن يُوقَ شُحَّ نَفْسِهِۦ فَأُو۟لَٰٓئِكَ هُمُ ٱلْمُفْلِحُونَ

Сондықтан Аллаға тиісінше тағзым етіңдер және Оған қарсы келіп асы болудан шамаларың жеткенше сақтаныңдар. Ақиқатқа (Аллаға және пайғамбарларына) құлақ асыңдар, бағыныңдар, әрі өз игіліктерің үшін дүние-мүліктеріңнің бір бөлігін (Алла жолында және мұқтаждарға) жұмсаңдар. Кімде-кім нәпсісінің сараңдығы мен ашкөздігінен сақтана алса, мәңгілік азаптан құтылып, мақсат-мұраттарына жеткен бақытты жандар, міне, солар.

إِن تُقْرِضُوا۟ ٱللَّهَ قَرْضًا حَسَنࣰا يُضَٰعِفْهُ لَكُمْ وَيَغْفِرْ لَكُمْۚ وَٱللَّهُ شَكُورٌ حَلِيمٌ

Егер Аллаға жақсы қарыз берсеңдер (яғни мал-дүниелеріңнің бір бөлігін Алла разылығы үшін дін жолында және қайырымдылық мақсатта жұмсасаңдар), Алла берген қарыздарыңды еселеген үстіне еселеп қайтарады Һәм күнәларыңды кешіреді. Өйткені Алла – Шәкур (игіліктің қарымын еселеп қайтарушы), Халим (құлдары қанша жерден күнәға батып, қателікке ұрынып жатса да кеңшілік жасаушы әрі өте сабырлы).

عَٰلِمُ ٱلْغَيْبِ وَٱلشَّهَٰدَةِ ٱلْعَزِيزُ ٱلْحَكِيمُ

Ол ғайыпты да, жарияны да (яғни сезім мүшелерімен сезіп-білу мүмкін болмаған тылсым әлемді де, сезім мүшелерімен сезіліп-білінетін жария әлемді де) толық білетін Азиз (шексіз үстемдік пен ұлылық иесі), Хаким (әр ісі мен әрбір үкімі көптеген хикметтерге негізделген асқан даналық иесі).